Schieson Trevisann aea festa del Santo Blasio

Al Santo Biasio onor e gloria
festa par na setimana sensa noia
aea memoria el tendon dea sagra
cusina ricca de grassi quindi poco magra
e zè cussì che njaltri o gavemo ricordà
co un bancheto degno de un pascià
el soito afetato misto in abondansa
un caciatorin che no'l gà trovà posto in pansa
un bel tocheton de domenicae co tanta moena
che zè servio a mò de scarpeta par tuta a zena
new entry: l'antipasto daea rossa
che aea zena ghe gà dato na bea scossa
col "guster" e olive e i carciofini
roba bona per palati soprafini
altra new entry: el maiale pressionato
fato coa tecia a pression, gusto prelibato
na soeusion pratica e veoce, sensa dubio
usada in tuta Italia, par fin a Gubio
che gà servio par evitare de verzar porte e finestre
in 'ste ziornae co fredo che vien zò da Mestre
fredo beco, neve e tanto giasso
oci verti in strada che se sbrissa, casso!
che de incidenti ghe ne gavemo el goso pien
mejo star casa soto a colzara o in meso al fen.
Aea festa pochi presenti
co i coniugi Massimo sempre soridenti
Dondi e Pokotho co reative mugliere
femene come quee de na volta, premurose vere
El Spriss coi cei gà fato na comparsada
dentro de pressa che fora te ciapi na giassada
auguri Andrea pal to compleano
co a luce nera par evitar el dano
co zè scuro te a impissi e te ghe vedi de sicuro
ocio, no de eà, che te sbati su pal muro
auguri Aurora, che facia che a gà fato
quando sul dolce ghe jera el petardo "impissato"
ma puareti i jera strachi e stufi
sul divano a dormir infagotai come i gufi.
Eora otimo risultato par na serata riussia
'ndemo vanti co 'sti ritmi, e così sia
maiale a pression o coto normalmente
tanto el piaze sempre a tuta a zente
del porsel no se buta via mai gniente
a roba bona, al gusto, mai a mente
speren che el Calogero no sia pì indigente
e che el CP no reste ancora assente
a mi no me fa pì mal el dente
AH HE JI ME chiusura prepotente

Schieson Trevisann aea festa del'ultimo del'ano 2011

El domie e dodese zè finalmente rivà
meso sotegon e meso maeà
de tasse nove e ristretesse economiche
che a scoltarle te pensi de essar sue comiche.
L'ano prima gà avuo momenti veramente duri
co zente maeada serada da drio ai scuri
prima a Sacerdotessa, dopo a Santona
maeanni de recie, maeanni de mona
corente che salta a casa del Dondi
co grande pagae de schei de quei tondi
i gà anca sbatuo a machina del Pokotho
paraurti smacà e fanain meso roto
parchè a stronsa a jera drio tacar el vibrator
e metar el gasolio in t'el contenitor
no a gà visto a Casscai, in coda, ferma
a gà dito "'desso fasso na bea mer*a".
Maeanni che se spera finii e da drio ae spae
che se ripartimo me gira soeo e bae
domie e dodese jutane ti
ripartimo giustai e co schei in pì.
Ghe ne sarà manco par tuti e spendaremo de manco
oci verti anca chi fa robe soto banco
parchè i te controea coi compiuter sofisticai
i te contesta el pagamento dea medesina par i cai
i te blinda se no te dichiari un pagamento
i te scova se te te sconti soto el pavimento
i te spia co tanta avidità e tanta smania
che te vivi al sud o te vivi in Padania.
Ma no vojo aviirve co discorsi de schei e povertà
ma tratar temi de amicissia e sincerità
ed eco che parlo del'ultimo del'ano
festa grandiosa finia col dano
gniente de particoear soeo un fià de mal de goea
che gà costreto el Pokotho a star sito e in boea.
Se disea dea serata riussia in tuti i aspeti
aperitivi a profusion e de poeastri bei tocheti
pissete bee calde e co ajo tante bruschete
che fa ai omeni el fià "duro" e ae femene dure e tete
pastisso de carne e caneoni ricota e spinaci
che i jera de casada, bei freschi e veraci
costesine coi crauti e formajo par netarse ben a boca
parchè cantando coa tastiera no bisognava aver a vose roca
mostarda mascarpon, paneton in bei tochetoni
vin de tuti i tipi, quaità e coeori
liquori de marca, sciopetini a maneta
fioi, che pansa, bisogna metarse in dieta
parchè co l'epifania ae porte ghe demo un ponto
quindi basta col frito e basta co l'onto.
Saeudemose quindi co tanto afeto e simpatia
che sto ano sie el pì beo, rico e sano che ghe sia:
speren ch'el Pokotho el fassa el test del moribondo
e dopo via a corar ae maratone de tuto el mondo
ma co l'aiuto del Trainer Balsa che lo guida
se spetemo fan a bordo strada che incita e grida
Speren che Ahmed el finissa el periodo de aprendistato
e el divente un grande finansier de Stato
che co a Perla al so fianco un onesto sarà
e certi acertamenti, a certe persone, casa no'l mandarà
parchè "Marescià, bacio le mani" sarà el nostro moto
e a jù e compagnà 'ndarà sempre el nostro voto.
Un saeudo infine a Alfonso Loretta Manuèl
che el cresse sano forte magniando saeame col buel
parchè dei nostri de certo jù el sarà
co a Ile so mama e Calogero so papà.
Che bel quadreto de na compagnia nonostante tuto felice
dea risata spensierata l'Alta Academia zè a so genitrice
ridemo dei problemi superemo tanti guai
se femo compagnia fin che no canta anca i gai
eora tuti in coro gridemo "El domie e dodese ben deve andare"
AH HE JI ME ve saeudo tuti e che altri in mo*a de so mare!

Schieson Trevisann dal CP col lesso

Zè pasà l'evento pì caldo del mondo
finio magniar a panza a tuto tondo
dal CP nel podere dei schei e del'abondansa
mancava soeo un pochi de passi de dansa
parchè ghe jera de tuto e anca de pì
grassie del'ospitaità cara Nico e caro CP.
Insoma se parlava de caldo asurdo
che no se imagina gnianca un curdo
parchè da partera calcossa come sento gradi partia
dir che jera istà no a zè par gniente na busia
ma daltronde co te gà schei butei via sul gasolio
machine de lusso e, daea pregiata toscana, olio
tien conto che el riscaldamento el finia fin in t'el giardin
parchè se no no vien beo alto el rosmarin.
Gniente Santhunziker ma el resto tuti quanti impavidi
ghe jera par fin in forma anca i "gravidi"
co a pansa dea Ile sempre pì granda
che, coi fasioi, gas intestinai fora a manda.
I cei oviamente i se gà divertio come mati
bagigi e spagheti magnai come dei afamati
ma daltronde jera tuto bon come al ristorante
de portae ghe ne jera veramente tante
col porsel sempre in prima fila par ciapar e so lodi
vin rosso a maneta e bicieri sempre vodi.
Gavemo brindà aea Ile e a Alfonso Loreta
par jù del strudel dea Santona gnianca na feta
gavemo brindà aea Santhunziker par bon auspicio
se no se pol dirlo me magnio intiero un micio
gavemo brindà al novo podista apena nato
co a piova de stamatina a corar no'l zè ndato
ma el recupera tranquio doman de matina
el parte daea casa e el riva fin trovar a Pina.
Chiudo disendo che no a zè ancora finia
parchè na zena pre capodano va imbastia
speten che torne a Santhunziker dal Lancianistan
e subito a acordarse al sucesivo indoman
prepararemo el menù de capodano bei e pimpanti
AH HE JI ME bone feste a tuti quanti

Schieson Trevisann e a pissa co a patata

Serata al Tiglio par l'Alta Academia
pissa gigante co sora a patata che premia
che, dopo tempo immemore, se gà scoperto
a zè na tradision dai tempi de re Carlo Alberto.
Na grande serata col quasi tuto esaurio
Balsa, Dondi, Spriss e parfin el Beltra da drio
mancava soeo a Ile impegnada a far cossa no se sa
pecà par ea, par Calogero e el so figà
che gavarie giovà dei limoncei e dea sigurissia
gnianca pusai sua toea e sparii come na bissia.
Comunque tuto beo col CP e fameja
Nico e Giulia che tanto ghe someja
e ormai granda e bona squasi par 'ndar scuoea
tirada su co giudissio e quindi in piena boea
gavarà un futuro come produtrice de scarpe
o de esperta de vini e de sarpe
na roba sicura a erediterà l'impero sabena
e de schei a sarà de sicuro bea piena.
Ghe jera anca el Spriss e i do putei
sempre pì grandi, sempre pì bei
el futuro a jori cossa ghe riservarà?
co un pare cussì otime oportunità
l'inglese i lo sa a menadito
e aea maestra i zè boni de puntarghe el dito
"Eh no, missis maestra, questo è sbagliato
il suo verbo, così, non è ben coniugato
e poi lì ci vuole un'acca dopo la T
se no a zè bona a vae casa ripassar n'altro dì".
Anna e Beltra presenti a tempo parsiae
parchè a na certa ora i zè 'ndari fora dae bae
n'altro impegno che se gà sormontà
tasi che gnianca a grigliata del CP zè capità
seno se jera in te na situasion tesa
un pochi a Spercenigo un pochi a nervesa.
Tuto comunque se gà risolto in un beisimo clima
a prosima volta prenotemo par sentarse un fià prima
parchè gaveo el stomego piegà daea fame
che momenti me mastegavo anca el curame.
Na nota devo farla par el magrebino in cusina
che zè moroso de a cameriera quea carina
el puareto el gà eavà piati par tuta a sera
parchè se che a profesion gà voeontà vera
anca se da drio el zè drio pareciar
par tuta a baraca in toto ereditar
e dopo "adesso son el paron e decido mi
che a patata eà sora no a vojo pi".
Chiudo disendo che a serata no a zè stada butada
e na linea strategica zè stada delineada
entro do ani 'ndon tuti a niu iorc
par far el grupo "maratona del porc"
e nel grupo voria entrar anca mi
caro el Balsa, te ssì nominà el nostro CT
fame diventar un podista profesionista
tra i primi diese vojo entrar in lista
vojo batar el record che gò 'desso
coro par do minuti e dopo me ingesso
vojo diventar come ti, nostro atleta ideale
come dise i cinesi "andale tuti in mona de so male"

AH HE JI ME

Schieson Trevisann aea NO fiera de Treviso

De novo festa, de quee grande
gniente doeori nè pericoeo sue mudande
zè queo che zè vegnuo fora mercore de sera
compleanno del Pokotho... ma gniente fiera.
Zè stà el giorno che scuminziava a scaravazzare
e tra e pissine pareva de star al mare
e invesse se jera a iOlmi drio parlare
rischiemo a piova o el Tobe 'nden visitare?
e cussì zè stà, Tobe, il migliore al mondo
el locae giusto, de dirlo no me confondo.
Se jera pocheti a dir el vero, tante defession
anca rivae al'ultimo acompagnae da un bojon.
Partimo daea Santona che puareta a jera maeada
infession a un ocio e co a facia tuta gonfiada
Dondi disea che a parea na zampogna in funsion
l'ocio sgionfo e medicinai a profusion
No ghe jera a Ile e Calogero, giovani teatranti
i ne gà intortà a conferma tra i discorsi tanti
"gavemo e prove" dito al'ultimo momento
che gà creà, tra i presenti, gran sgomento.
No ghe jera gnianca CP e fameja tuta
e do femmene co l'influensa, de quea bruta
e el poro omo no'l se a sentia de vegnier fora
risciando, sua porta, de far entrar a bora.
Eora Pokotho e signora, presenti sul pezzo
Balsa e Santuzza elencai nel mezzo
Dondi, tardivo, ma pur sempre presente
Spriss co parlata acorta e tagliente.
Granda a bevua de birra aea spina
patata fritta portada daea montenegrina
che al Tobe ghe tien i tavoi neti
e co a va casa tanti "servisieti".
Soita dopieta, tost uno e piadina tre
magnai co gusto anca in piè
club sandwich co, a parte, salsa rosa
butada sul panin e sue patate a josa.
Ringrassio tuti pal bel regaeo ricevuo
sora a capa in cusina o gò zà metuo
e sarà par mi de orgoglio par i ospiti futuri
quando che dee vacanse e foto proietarò sui muri.
Voria concludar co do temi importanti
portai fora da mi e el Balsa come fanti:
L'ultimo del'ano ormai iminente
(zà vedo el Dondi dimenarse tra a zente
parchè ghe dà fastidio che organiso e robe tanto prima
e gò paura che prima o poi el me soprima)
el Balsa el verzarà, i Studios come de consueto
e el consiglio de questo zè sempre lieto
sarà da pensar al menù sempre pì imponente
ma me ne frego, sto ano gò novo el dente
sarà da pensar ae aete de poeastro sempre apresà
che 'ndaremo a cior dal "Fresco&Avarià"
e tante porcae che de soito se magniemo
te vedarà che festa granda che fazemo.
Ultima roba ma no par questa da trascurar
zè infati importante da vaeutar
a Perla del Mediteraneo saraea ospite?
che el "pirata" ritien un so cespite
Santuzza intercedi par njaltri e faea vegnier
nel senso de presensa, no sta el me pensier fraintender.
Un saeudo anca al marescial novo de bain
pensandoea njaltri femo "cin cin"
ansi un toast, come in America i zè soiti fare
AH HE JI ME e che altri in mona de so mare

Schieson Trevisann aea festa de fine istà 2011

Festa de fine istà, aea casa dea Tiloti
semo 'ndai casa tuti 'mbriaghi roti
alcol a fiumi e magniar in abondansa
porco e fora! me zè cressuo a pansa
partimo disendo che ghe jera un novo personagio
co facoltà de presensa a tuto ragio
el Spris jera presente co i do cei
un mascio e na femena, i zè proprio bei
che fra l'altro conosse l'inglese proprio ben
roba che i se meraveja anca soto el big ben
el pì grando el fa a tersa, proprio un bel puteo
el gà un bel nome Timothy opur ma... Teo
so sorea, Aurora, na principessa, coi cavei biondi
proprio come quei che gà(vea) el Dondi.
Pal resto quasi tuta l'academia jera presente
omeni e femene sodisfate e contente
Santuzza e Balsa in ferie costante
Ile e Calogero di birra portante
Pokotho e mugliera col dolce di ricotta
Dondi e Santona e la carne ben cotta
Gniente Beltra, assente da giustificare
ormai e so risposte sen stanchi de spetare
parchè no'l leze e no'l scrive mai
pol essar de tuto: ferie, stanchessa o guai
speten un segno de vita entro fine ano
se no scatà l'espulsion e zè tuto un dano.
Dai Beltra fate sentir in qualche modo
par ricordo, sul deo, me fasso un nodo!
Tornando a njaltri, da magniar ghe ne jera un saco
'rosticini, hamburgher e patatine da kieo un paco
pevaroni aea piastra e zegoea tritada
a cusina, daea spussa, jera infestada
dolze, sgropin e geato del fresco e avariato
co un giosso de "uischi" e cafè alungato
che gà mosso del Dondi el stomego e a panza
no'l zè scampà in bagno soeo par creanza.
Na festa bea de inissio setembre de bojo
caldo come, dee patatine, el frito de ojo
se pareciemo a farghe a festa aea santussa
porta, daea bassa, peperoncin co ojo de mussa
dopo toca al Pokotho e aea mujera
festa granda co tuti n'altra sera
infine el Dondi proprio soto Nadae
e co questo finin l'ano e dopo... tuti fora dae bae.

AH HE JI ME

Schieson Trevisann alla serata d'apertura stagionale

Piccolo componimento per ricordare la bellissima serata passata in compagnia dedicata ai gloriosi bersaglieri che hanno allietato la serata con la loro musica.
Scritto dal sommo J.R.R.Pokotho.

Serata buea aea sagra milenaria
aea facia dei bateri e del'aviaria
poeastro, costesine e altre bontà
magniae co fame fino a sasietà.
A sagra de Rovarè jera a lochescion
un posto trendy e tanto fescion
jera a serata dei ansiani e amaeati
e njaltri "zovani" se jera dei privilegiati:
ghe jera el Cp co mujera e toseta
a Santona e el Dondi in forma perfeta
co e so rognete el gà magnià poco
dal dispiaser el ciacoeava anca roco
el Balsa e Santuzza de rosso vestia
ormai de terron a gà poco, a fia
a parla co cadensa propria del trevigian
istruia a dover dal Grande Ciambean.
Ghe jera Calogero e a Ile in grande forma
rivai in legero ritardo... come de norma
e naturalmente Pokotho e Sacerdotessa
sempre pì bea come na principessa (lic. poetica per ovvi motivi).
Subito un plauso ai cuochi dea cusina
par el piato de tripa, roba soprafina
no a jera maroneta come che piasea ai veci
ma forse zè mejo se no te magni, del bo, e feci
anca el poeastro el jera magnifico
ghe gavarie fato sora un bonifico
par magniarghene ancora e ancora
fin ghe rivava, aea matina, bonora.
Na nota doente a banda dei bersaglieri
che in te a divisa i 'ndava fieri
ma el concerto no zè stà proprio invitante
a trati deudente e un fià frustrante.
E invesse, aea fine el gran finae
de mojito no se sgionfaremo mai e bae
roba "pesante" pagada co gusto
par l'asilo el contributo "robusto".
Voevo comunque far presente na roba
a Santona stivava tuto sua goba
dei stussichini che jera gentilmente oferti
bagigi, fajitas e tost verti
a gà ingurgità tuto contro el voer del Balsa
anca e patatine tociae sua "Tomato Salsa"
va ben che dopo a magnia minestron a maneta
ma tuti zè rivai casa co na scianta de fameta
mi par esempio me son magnià na pisseta
e a Sara, de rosto de vedel, na feta
no oso imaginar che altri
che i zè scampai casa a magniar veoci e scaltri.
Poro el Balsa che el se a gà portada casa
e subito a afetar el saeado tegnuo in soasa
parchè a femena a voeva magniar
ma no ghe jera altri "saeadi" da mastegar.
Co ti, Balsa, njaltri omeni se metemo a gridare
AH HE JI ME e in mona de so mare