Buon Compleanno Santuzza

Con i migliori auguri da parte di tutta l'Alta Accademia rinnoviamo il nostro caloroso benvenuto a questa diversamente settentrionale che pian piano conquista i nostri cuori col suo sorriso, col suo carisma, con la sua intelligenza ma soprattutto col suo modo di pronunciare i detti veneti che fanno scompiasciare dalle risate.

Aspettando uno spritz in compagnia per il classico tiro d'orecchie di nuovo tanti e tanti auguri.

Hip Hip Urrah alla nostra Santuzza Da Lampedusa

Schieson Trevisann aea sagra del musso

El muss aea sagra se trovava sua pasta
o fato spessatin co poenta quanto basta
de un morbido e un gustoso che ne gà sorpreso
sopratuto pal tempo impiegà pal tavoeo preso:
un casin de zente su un tendon beo grando
no te ghe ne trovi cussì tanta gnianca al Lando
o al Tissiano co zè sabo dopo magnià
e a zente zè a far spese, ognuno ocupà.
Mi e mugliera, Dondi e Santona
Ile e Calogero, Balsa e terr... ibile Sara
(lic. poetica: non è da ravvisarsi alcuna mancanza
di rispetto nè tentativo di insultare l'origine
diversamente settentrionale di qualcuno della
compagnia... per carità, anzì, con la nostra
testa sotto i suoi piedi senza nemmeno chiederle
di stare ferma)
partimo da iOlmi aea volta dea sagra
ne aspetava na zena gioiosa e poco magra:
gniente trans, 'sto giro, vestio coa minigonna
qualche toseta, femene e qualche nonna
insoma, un putpurì de donne che magnia contente
bevendo un vin roso a dir poco indecente
el puntava legermente sul'aseo zà daea bossa
che stimoeava al basso ventre subito a "mossa"
bevendoeo te capivi che no jera vin bon
a 5 euri al litro... altro che bestemon!
Finio de magniar, giostre de luna parc a josa
el Balsa in primis par far el sgargioeo coa morosa
zè montà parfin sul top spin, giostra che te sgroea
col musso in pansa ghe gà fato a sudarioea
parte a giostra, el jera tuto contento
ma al primo scosson, el jera un tormento
tuto suà, bianco come el muro
al gigno sua facia tirà tuto duro
se ghe movea soeo i cavei vanti e 'ndrio
ma jù paido e fermo fin al giro finio
el zè smontà ridoto come un strasso
e de montar da novo ghe girava anca al casso.
Col giro in giostra se gà fato mesanotte
e verso casa e machine gà ciapà e dovuto rotte
manca poco pal panin col ciotto
aea fiera de Treviso par un otobre col botto
forse na zena del consiglio coe mugliere
par tirar su na serata de quee vere.
Insoma l'academia zè sempre in mobiitasion
AH HE JI ME chiudo tirando un bojon!

Schieson Trevisann al concerto de Elio

E storie tese ghe jera ieri sera
a Treviso, san giusepe, area dea fiera
un bordel de persone che metà bastava
par far a coa par magniar te toevi su a bava.
Na roba incredibie, co zè gratis a zè cussì
no ghe jera Beltra, Ile, Dondi e CP
soeo mi e el Balsa coe rispetive mujere
quei che de soito tien su el morae tute e sere.
Ghe jera anca un per de persone sparie in do secondi
no li trovava pì gnianca a poissia o el Dondi
parchè in mezo a milioni de persone
par trovar l'uscita ghe voeva un per de ore.
Un panin coa salsicia majonese e ketchupp
costava 5 euro, no digo el doeor ae ciapp
5 euro anca par na bira da meso
no ghe jera marca a jera de quea peso.
Roba divertente co se jera aea cassa
che gran ridar a comessa, che sconquassa
4 panini e bire tuti uguai
8 tochi par zinque e te gà i totai
invesse de far na semplice moltiplicassion
a se mete a contar sui dei come a ripetision
zinque, diese, quindese, vinti
a menava i dei co pensieri convinti
ed eco spiegà el mistero dea coda al baldachin
cento persone in zerca de na bira e un panin.
Dopo speta speta e speta ancora
e vardar se Elio e compagni i vegnea fora
aea fine, co un'ora abondante de ritardo
fine fora Elio vestio lucicante come un petardo
ma sul pì beo che se spetava e canson pì bee
taca a scaivar dal ciel coe nuvoe e sensa stee
se portemo fora caminando verso casa
co a machina sistemada su na rete come in soasa.
Se rifemo de certo, amici, aea sagra del musso
de zioba o de sabo, saremo tuti, che lusso.
Dopo serate maiale e okio a fine anno
scuminziemo l'organisasion sensa lode sensa danno
cusì femo contento el Dondi che vol tuto parecià
AH HE JI ME a pensarghe son zà emossionà

Resoconto evento apertura autunnale

Eco el resoconto dea serata de ieri
dopo e puissie che ghe va drio e i mestieri
fasso un sauedo ai ospiti tuti quanti
che no i sie cativi ma boni e sempre tanti
che i fassa a diferensa par rendar a serata bea
che i porte alegria, tanta, in te na mastea
che i ciacoe de gusto su argomenti a piacere
che no i se ferme davanti al magniare o al bere
che no i stae a vardar el reojo continuamente
parchè vol dir che te ssì paron de casa divertente
che i rive 'diritura a far baruffa col mario
par finir a partia de Wii col super Mario
(licenza poetica. non si è cercato una identità
di suono nella parte finale delle due parole ma
si è giocato sull'identità dei due termini
mario (marito, coniuge, considerato in relazione
diretta o indiretta con la moglie) e Mario (il
simpatico personaggio di una nota serie di video
giochi tanto cari alla nostra Santona)) (ovviamente
il tema del diverbio tra i coniugi per la questione
del videogioco è di pura fantasia atta solamente
a "condire" graziosamente la rima in fase di scrittura).
Insoma un picoeo pensiero par ringrasiarve tuti
bevendo proseco sui bicieroni o sui fluti
che sie de auspicio par un altro incontro gioviale
butemoeo subito in cantier senò me gira le bale
riva l'autuno e e foje e casca par tera
AH HE JI ME a segno n'altra serata maiala vera!