Schieson Trevisann alla cena di Natale

Semo rivai fora ancora vivi e vegeti
rintronai dal'alcol come ebeti
na serata al limite dea decensa
col Dondi ch'el gà mangà anca a credensa
el gà messo in boca de chei boconi assurdi
che no gà corajo de magniar gnianca i curdi
ghe jera a pissa soto a salsa rosa de sora
meansane picanti e tuto el gà fato fora
intanto ch'el magnava o gavemo anca filmà
e parchè no se ghe credea anca fotografà.
Pal resto ghe jera a cameriera massa soridente
forse forse ghe gavemo visto un meso dente
pal resto muso longo e testa bassa
andando daea cusina fin daea cassa.
Fiumi de patatine pisse e panini
tra un bocon e che altro ridar come cretini
parlando de gionni e toni ai tempi del super
semo montai ancora ridendo dentro a minicuper
e dopo tuti dal Dondi par farse un bicierin de amaro
gavemo visto beisime foto de un ricordo raro
i do miliardari el giorno del matrimonio
i gà fato feste buee, quasi un pandemonio.
A Ile e Calogero nominai a coppia dell'anno
parchè fin 'desso tra jori dò no i ga fato danno.
El CP responsabie aea mesanote zè 'ndato casa
parchè a Nico lo gà minaccià de farghe a testa rasa.
Area, Nico: gran bea minacia!
El toso no'l zè fulvo in testa come na acacia
quindi aea prosima volta daghe soeo pache
co bote in testa o tirandoghe e tirache.
Mi e signora godendo dea compagnia
dopo 20 minuti semo 'ndati via
sodisfati de na serata passada tra amici
contandosea sempre tuti felici
ghe jera certo qualche assensa
ma aea fine gavemo dito "pasiensa"
se trovaremo n'altra volta de certo
ridendo come el soito in concerto.
Aprofito par farve a tuti tanti auguri
e che el novo ano el ne porte tempi poco duri
i sarà difisii certo ma restemo in gamba
superemo i problemi e baemose na bea samba
na rumba, un tango magari anca col casquè
a tuti bone feste e el soito AH HE JI ME

Schieson Trevisann

Carissimi membri tutti,
me scusarè se son stà tanto tempo asente
ma gò da lavorar spesso par un saco de zente
lavori che va e lavori che vien
sperando ch'el 2009 e sia tuto seren.
No zè posibie assar el blog cusì in abandono
e par questo a me rima zè un bel dono
che spero el sia de bon auspicio
ch'el rive da casa o dal me uficio
semo ormai soto el nadal domie e oto
co l'economia che gà fato un bel boto
zente assada casa, clienti che no paga
pezo dei momenti quando el cul no caga.
No stemo pensar massa negativamente
stemo positivi e soridemo aea zente
'desso dovemo pensar aea zena iminente
che se pone proprio al nostro orizonte.
'ndaremo a magnar in te na paninoteca
dove te magni un tost, na pissa ma no na bisteca
ghe zè bira fin che se vol anca massa
da tornar casa co a pansa bassa
piena de magniar e de bevar
e doeorante dal massa ridar.
Se faremo na sganassada in compagnia
fin che i paroni no i ne cassa via
e dopo ancora a ridar sul piassal
a ridar e sgnigniassar fin a farse mal
parchè 'desso ghe zè anca el porzel coa diossina
e me tocarà moearghea de magniarlo aea matina
ma soeo a mesogiorno in meso a na ciopa de pan
come che se costuma far ae fiere col ciotto in man
na morsegada al pan e una al ciotto
cussì aea fine fazemo tuti un bel boto.
Stemo insieme, na serata come si deve
femo anca a gara de queo che de pì beve
intonemo anca un canto tuti quanti
AH HE JI ME, prima de ciavar usè tuti i "guanti"

Un doveroso omaggio al nostro caro amico Dondi per il suo 52-esimo compleanno. Ti auguriamo ancora altri 28 anni di contributi.
AH HE JI ME

Pal compleanno del Dondi
finimo el vin anca sui fondi
'ndemo tuti casa sua a far festa
e queo che vanza portem via co na cesta
ghe portemo par regaeo a compagnia
e anca na damigiana de sangria
sperando ch'el tire fora na sopressa
e anca del saeado a chi che ghe interessa
un poche de bosse de queo bon
al posto dee recie ghe tiremo un cojon
cussì el se ricorda de njaltri
e el manda in mona tuti che altri
femo festa par lù e pal balsa a lanciano
pronto anca a dar via l'ano
purchè el "suocero" ghe conceda
a man de so fia come preda
eora a sie giorni daea zena
preparemose aea panza piena
festegiemo el dondi come se deve
e vanti coa gara de chi che de pì beve

AH HE JI ME