Schieson Trevisann e a pissa co a patata

Serata al Tiglio par l'Alta Academia
pissa gigante co sora a patata che premia
che, dopo tempo immemore, se gà scoperto
a zè na tradision dai tempi de re Carlo Alberto.
Na grande serata col quasi tuto esaurio
Balsa, Dondi, Spriss e parfin el Beltra da drio
mancava soeo a Ile impegnada a far cossa no se sa
pecà par ea, par Calogero e el so figà
che gavarie giovà dei limoncei e dea sigurissia
gnianca pusai sua toea e sparii come na bissia.
Comunque tuto beo col CP e fameja
Nico e Giulia che tanto ghe someja
e ormai granda e bona squasi par 'ndar scuoea
tirada su co giudissio e quindi in piena boea
gavarà un futuro come produtrice de scarpe
o de esperta de vini e de sarpe
na roba sicura a erediterà l'impero sabena
e de schei a sarà de sicuro bea piena.
Ghe jera anca el Spriss e i do putei
sempre pì grandi, sempre pì bei
el futuro a jori cossa ghe riservarà?
co un pare cussì otime oportunità
l'inglese i lo sa a menadito
e aea maestra i zè boni de puntarghe el dito
"Eh no, missis maestra, questo è sbagliato
il suo verbo, così, non è ben coniugato
e poi lì ci vuole un'acca dopo la T
se no a zè bona a vae casa ripassar n'altro dì".
Anna e Beltra presenti a tempo parsiae
parchè a na certa ora i zè 'ndari fora dae bae
n'altro impegno che se gà sormontà
tasi che gnianca a grigliata del CP zè capità
seno se jera in te na situasion tesa
un pochi a Spercenigo un pochi a nervesa.
Tuto comunque se gà risolto in un beisimo clima
a prosima volta prenotemo par sentarse un fià prima
parchè gaveo el stomego piegà daea fame
che momenti me mastegavo anca el curame.
Na nota devo farla par el magrebino in cusina
che zè moroso de a cameriera quea carina
el puareto el gà eavà piati par tuta a sera
parchè se che a profesion gà voeontà vera
anca se da drio el zè drio pareciar
par tuta a baraca in toto ereditar
e dopo "adesso son el paron e decido mi
che a patata eà sora no a vojo pi".
Chiudo disendo che a serata no a zè stada butada
e na linea strategica zè stada delineada
entro do ani 'ndon tuti a niu iorc
par far el grupo "maratona del porc"
e nel grupo voria entrar anca mi
caro el Balsa, te ssì nominà el nostro CT
fame diventar un podista profesionista
tra i primi diese vojo entrar in lista
vojo batar el record che gò 'desso
coro par do minuti e dopo me ingesso
vojo diventar come ti, nostro atleta ideale
come dise i cinesi "andale tuti in mona de so male"

AH HE JI ME

Schieson Trevisann aea NO fiera de Treviso

De novo festa, de quee grande
gniente doeori nè pericoeo sue mudande
zè queo che zè vegnuo fora mercore de sera
compleanno del Pokotho... ma gniente fiera.
Zè stà el giorno che scuminziava a scaravazzare
e tra e pissine pareva de star al mare
e invesse se jera a iOlmi drio parlare
rischiemo a piova o el Tobe 'nden visitare?
e cussì zè stà, Tobe, il migliore al mondo
el locae giusto, de dirlo no me confondo.
Se jera pocheti a dir el vero, tante defession
anca rivae al'ultimo acompagnae da un bojon.
Partimo daea Santona che puareta a jera maeada
infession a un ocio e co a facia tuta gonfiada
Dondi disea che a parea na zampogna in funsion
l'ocio sgionfo e medicinai a profusion
No ghe jera a Ile e Calogero, giovani teatranti
i ne gà intortà a conferma tra i discorsi tanti
"gavemo e prove" dito al'ultimo momento
che gà creà, tra i presenti, gran sgomento.
No ghe jera gnianca CP e fameja tuta
e do femmene co l'influensa, de quea bruta
e el poro omo no'l se a sentia de vegnier fora
risciando, sua porta, de far entrar a bora.
Eora Pokotho e signora, presenti sul pezzo
Balsa e Santuzza elencai nel mezzo
Dondi, tardivo, ma pur sempre presente
Spriss co parlata acorta e tagliente.
Granda a bevua de birra aea spina
patata fritta portada daea montenegrina
che al Tobe ghe tien i tavoi neti
e co a va casa tanti "servisieti".
Soita dopieta, tost uno e piadina tre
magnai co gusto anca in piè
club sandwich co, a parte, salsa rosa
butada sul panin e sue patate a josa.
Ringrassio tuti pal bel regaeo ricevuo
sora a capa in cusina o gò zà metuo
e sarà par mi de orgoglio par i ospiti futuri
quando che dee vacanse e foto proietarò sui muri.
Voria concludar co do temi importanti
portai fora da mi e el Balsa come fanti:
L'ultimo del'ano ormai iminente
(zà vedo el Dondi dimenarse tra a zente
parchè ghe dà fastidio che organiso e robe tanto prima
e gò paura che prima o poi el me soprima)
el Balsa el verzarà, i Studios come de consueto
e el consiglio de questo zè sempre lieto
sarà da pensar al menù sempre pì imponente
ma me ne frego, sto ano gò novo el dente
sarà da pensar ae aete de poeastro sempre apresà
che 'ndaremo a cior dal "Fresco&Avarià"
e tante porcae che de soito se magniemo
te vedarà che festa granda che fazemo.
Ultima roba ma no par questa da trascurar
zè infati importante da vaeutar
a Perla del Mediteraneo saraea ospite?
che el "pirata" ritien un so cespite
Santuzza intercedi par njaltri e faea vegnier
nel senso de presensa, no sta el me pensier fraintender.
Un saeudo anca al marescial novo de bain
pensandoea njaltri femo "cin cin"
ansi un toast, come in America i zè soiti fare
AH HE JI ME e che altri in mona de so mare

Schieson Trevisann aea festa de fine istà 2011

Festa de fine istà, aea casa dea Tiloti
semo 'ndai casa tuti 'mbriaghi roti
alcol a fiumi e magniar in abondansa
porco e fora! me zè cressuo a pansa
partimo disendo che ghe jera un novo personagio
co facoltà de presensa a tuto ragio
el Spris jera presente co i do cei
un mascio e na femena, i zè proprio bei
che fra l'altro conosse l'inglese proprio ben
roba che i se meraveja anca soto el big ben
el pì grando el fa a tersa, proprio un bel puteo
el gà un bel nome Timothy opur ma... Teo
so sorea, Aurora, na principessa, coi cavei biondi
proprio come quei che gà(vea) el Dondi.
Pal resto quasi tuta l'academia jera presente
omeni e femene sodisfate e contente
Santuzza e Balsa in ferie costante
Ile e Calogero di birra portante
Pokotho e mugliera col dolce di ricotta
Dondi e Santona e la carne ben cotta
Gniente Beltra, assente da giustificare
ormai e so risposte sen stanchi de spetare
parchè no'l leze e no'l scrive mai
pol essar de tuto: ferie, stanchessa o guai
speten un segno de vita entro fine ano
se no scatà l'espulsion e zè tuto un dano.
Dai Beltra fate sentir in qualche modo
par ricordo, sul deo, me fasso un nodo!
Tornando a njaltri, da magniar ghe ne jera un saco
'rosticini, hamburgher e patatine da kieo un paco
pevaroni aea piastra e zegoea tritada
a cusina, daea spussa, jera infestada
dolze, sgropin e geato del fresco e avariato
co un giosso de "uischi" e cafè alungato
che gà mosso del Dondi el stomego e a panza
no'l zè scampà in bagno soeo par creanza.
Na festa bea de inissio setembre de bojo
caldo come, dee patatine, el frito de ojo
se pareciemo a farghe a festa aea santussa
porta, daea bassa, peperoncin co ojo de mussa
dopo toca al Pokotho e aea mujera
festa granda co tuti n'altra sera
infine el Dondi proprio soto Nadae
e co questo finin l'ano e dopo... tuti fora dae bae.

AH HE JI ME

Schieson Trevisann alla serata d'apertura stagionale

Piccolo componimento per ricordare la bellissima serata passata in compagnia dedicata ai gloriosi bersaglieri che hanno allietato la serata con la loro musica.
Scritto dal sommo J.R.R.Pokotho.

Serata buea aea sagra milenaria
aea facia dei bateri e del'aviaria
poeastro, costesine e altre bontà
magniae co fame fino a sasietà.
A sagra de Rovarè jera a lochescion
un posto trendy e tanto fescion
jera a serata dei ansiani e amaeati
e njaltri "zovani" se jera dei privilegiati:
ghe jera el Cp co mujera e toseta
a Santona e el Dondi in forma perfeta
co e so rognete el gà magnià poco
dal dispiaser el ciacoeava anca roco
el Balsa e Santuzza de rosso vestia
ormai de terron a gà poco, a fia
a parla co cadensa propria del trevigian
istruia a dover dal Grande Ciambean.
Ghe jera Calogero e a Ile in grande forma
rivai in legero ritardo... come de norma
e naturalmente Pokotho e Sacerdotessa
sempre pì bea come na principessa (lic. poetica per ovvi motivi).
Subito un plauso ai cuochi dea cusina
par el piato de tripa, roba soprafina
no a jera maroneta come che piasea ai veci
ma forse zè mejo se no te magni, del bo, e feci
anca el poeastro el jera magnifico
ghe gavarie fato sora un bonifico
par magniarghene ancora e ancora
fin ghe rivava, aea matina, bonora.
Na nota doente a banda dei bersaglieri
che in te a divisa i 'ndava fieri
ma el concerto no zè stà proprio invitante
a trati deudente e un fià frustrante.
E invesse, aea fine el gran finae
de mojito no se sgionfaremo mai e bae
roba "pesante" pagada co gusto
par l'asilo el contributo "robusto".
Voevo comunque far presente na roba
a Santona stivava tuto sua goba
dei stussichini che jera gentilmente oferti
bagigi, fajitas e tost verti
a gà ingurgità tuto contro el voer del Balsa
anca e patatine tociae sua "Tomato Salsa"
va ben che dopo a magnia minestron a maneta
ma tuti zè rivai casa co na scianta de fameta
mi par esempio me son magnià na pisseta
e a Sara, de rosto de vedel, na feta
no oso imaginar che altri
che i zè scampai casa a magniar veoci e scaltri.
Poro el Balsa che el se a gà portada casa
e subito a afetar el saeado tegnuo in soasa
parchè a femena a voeva magniar
ma no ghe jera altri "saeadi" da mastegar.
Co ti, Balsa, njaltri omeni se metemo a gridare
AH HE JI ME e in mona de so mare

Apertura Stagione 2011-2012 AAMG

Comunicazione Evento

Location > Sagra di S.Lorenzo
Data > 02 Agosto 2010
Ora ritrovo > 19.30 (al soito posto)
Ora location > 20.00 (chi prima riva prenota el tavoeo parchè... ghe sarà un boto de zente)
Ospiti d'onore > Banda Bersaglieri di Jesolo

AH HE JI ME

Al sollecito inviato al Balsa egli rispose:

Mandarve in mona mi par troppo poco
pel tempo investito a discorrer del loco
se penso alla gloria che porta con sé
il glorioso borgo di Rovarè
col gusto de otto, el capanon co la tripa
i gnochi, el rosto e a griglia de pita
e per gli errori sicuri in questa rima
che la paramuliera scoverà luciferina
ripeto, giustificando la poetal licenza,
nde in mona nde in mona da qua a Vicenza
col saluto che è proprio del gruppo festante
AH HE JI ME al presidente e alla so badante

Il Pokotho rispose:

Santo Patron, no credo a queo che lezo
el Balsa servo de femena, no, pure pezo
el scrive in rima in diaeto veneto
e a paramugliera a lo sgrida fin in leto
"queo no va ben, no se scrive cussì
ti fa soeo queo che te digo mi"
ecco el Balsa come che se se riduse
e femene e zè rogne come dee meduse
e se taca e te spuncia e te fa iritasion
te sinti mae come na peada su un cojon
ma te capisso mi che zè ani che o digo
schiavo in casa e dopo fora fasso el figo
ma a realtà a zè dura no stemo a scondarse
basta aea fine co a femena fondarse
e el resto no importa stemo tuti contenti
e ai doeori dee femene ridemo coi denti.
Eora 'nden tuti aea sagra de Rovarè
tripa, costesine... un bancheto da Re
el vin, del peso, a litri suea toea
e dopo in zerca de restar in boea
a baea sarà tanta el stomego tuto un gropo
AH HE JI ME I lov Cicociopo.
Saeudo tuti col viso carino
a fine serata un bel pomp... elmo

Schieson Trevisann al compleanno del Balsa

Il Balsa disse...
Solo oggi è passata la storta
dopo una settmana non certo corta
di una festa abbondante e completa
cibo, vino e di donne la teta
vaghi ricordi di complimenti alla paramuliera
protrattisi per buona parte della sera
con Ile che allunga le mani curiose
e altri maliziosi con intenzioni morbose
fermati con prontezza nonostante il torpore
per impedire ferite all’onore
della paramuliera dall’animo virginale
financo nell’esercizio della pratica orale.
I ricordi si stemperano col passar delle ore
e da ultimo l’invito al buon signore
di fermare il girar frenetico del letto
e arrestare il salire e calare del tetto
non è risalibile a chi per primo
a lasciato gli studios per svegliarsi il mattino
e chi da ultimo fino al bicchiere della staffa
tirato di collo come una giraffa.
Santificato il maiale, con l’omaggio della scrofa
cui dedicheremo di sicuro qualche strofa
in attesa del sondaggio per l’attribuzione del nome
sono a proporre, per cosa o per come,
di pensar a una presta seduta primaverile
per solenne grigliata in qualche cortile
sui prati, su i monti, al fiume o al mare
AH HE JI ME e a tutti in mona de so mare

El pokotho gà risposto:
Me scuso in anticipo par el largo ritardo
gò avuo casini casa, no jera in letargo
pararie che e robe e vae in te a maniera giusta
ma l'esito finae zè ancora serà in te na busta
comunque son positivo no sto qua a tediarve
parchè a parlarghene me cresse e larve.
Parlemo del compleanno de sabo scorso
quando ch'el vin 'ndava zò in te un sorso
quando che a ventriceea a becava i àvari
e daea slava spussa da ajo e gniente acari
parchè i sfido a resistar a che a spussa
me mojer, el giuboto, a zè ancora eà che a lo strussa.
Comunque ragassi na magniada sovrana
par dir, mancava soeo e coscie de rana
pal resto ghe jera veramente tanto
e par el paron... ehm, parona, tuto un vanto
antipasto col formajo e ventricea
olive verdi e do ciotoe de roba cea
el Dondi e aea Ile i li gà spuai
i jera ceci sua tecia scotai.
Dopo a insaeata de riso "falsa"
nel senso che queo dentro lo sa soeo el Balsa
me par farro, soia e altre robe genuine
ghe no gavea gniente da far co robe suine
e savemo che njaltri al porsel ghe tegniemo
e na feta de saeado sempre ghe a metemo.
Dopo comunque gavemo recuperà
co salsicie e costesine in quantità
na parentesi dovemo dedicarla al vin
ch'el zè rivà co confesionamento fin
na bocia da zinque litri da far paura
ma gnianca na giossa zè restada sicura
finio queo gaven scuminzià coe bosse
sia quee bianche che quee rosse
dopo i alcoici e i amari
se ghe gavarie tocià dentro anca i caeamari.
Conclusion degna de nota da riportar
l'arivo dea mascot ancora da batesar
sul blog globale zè partio un bel sondagio
che porta lustro e tuto ragio
scegliemo un bel nome par a mascot nominare
e AH HE JI ME in mona de so mare.

La nuova mascotte dell'AAMG

SCEGLI IL NOME DELLA MASCOTTE VOTANDO NEL SONDAGGIO IN ALTO A DESTRA DEL BLOG! Chiunque voti al sondaggio parteciperà all'estrazione di un fantastico premio: un buono omaggio per una porzione Jumbo di Maiale Globale alla prossima seduta del Gran Consiglio! Affrettatevi: il concorso scade il 25 Aprile 2011.