Schieson Trevisann al compleano del Balsa

El Balsa gà fato a festa
co l'alcol che ghe dava aea testa
el gà invità tuta l'academia
na roba che nel'animo premia
se jera tuti quanti bei presenti
tuti col soriso pien in meso ai denti
a parte a Ile e Calogero rivai tardi
pronti pronti par l'ora dei petardi
ghe jera anca el geppo in piena forma
el gà anca saeudà come che se conforma
e par questo se jera tuti felici
e gavemo trombà come pernici.
Parlemo del magniar come el soito abondante
patate frite sensa tanto oio sgorgante
tocheti de formajo e fete de saeame
zà jera pasà el problema dea fame
se sentemo e riva e orechiete
col pesto, bone, che gavemo fato e scarpete
par tirar su tuta che a bontà
e continuar a magniar sensa pietà.
Zè rivà dopo el maiale globale
in versione "compleanno fine invernale"
coi bisi e na scianta de peperoncino
podeva magniarlo anca un bambino
lo gà zercà anca a Gertrude
tegnua in brasso dal CP a jù ghe prude
ancora el cueo dal picante
par el Cp zè sempre tanto e abondante.
Dopo zè rivà a torta del compleano
bona come el soito sempre tuto l'ano
fete piccoe, no tanto grande
che e le gà viste anca da sora e Ande,
cafè, coresion, liquori vari
mancava soeo el wisky e do-tre amari.
Na picoea parentesi vojo verzarla
par parlar de na dona sensa tanto lodarla
ma par dirghe che a zè sempre benvegnua
che a vegne in tempo de mimose o dea ua
na tosa col Balsa fa proprio na bea copieta
pecà che a sie na sciantina teroneta
ma o disemo sempre par scherso, ghe voemo ben
se no zè vero 'ndemo tuti a dormir sul fen
speremo tuti che i continue insieme a oltransa
anca quando al Balsa ghe cressarà a pansa
e che i fassa programi futuri, fioi e casa insieme
de vedarli fidansai a tuti njaltri ne preme.
Auguri Balsa, ti e a to femena tanto amata
e ricorda "se te te o meni metete a pomata"
AH HE JI ME