Doman... el secondo compleano... che emossion

Comunichemo a lor signori che zè stà proveduo al'acquisto de:
- nr. 1 (uno) kg piati de plastica
- nr. 1 (uno) strica de bicieri de plastica
- nr. 1 (uno) pacheto de salviete dopio veo
- nr. 1 (uno) sopresseta
- nr. 4.2 (quatropuntodo) chii de coste
- nr. 12 (dodese) salsicie
- nr. 1 (uno) spirale de salsacieta
- nr. 2 (do) confesion de coscie e soracoscie de poeastro
- nr. 1.2 (unopuntodo) chii de polpa de porsel
- nr. 1 (uno) confesion de olive nere snocioeae ma no tostae
- nr. 1 (uno) confesion de pomidoro peati
- nr. 1 (uno) kii de carote
- nr. 1 (uno) sacheto de zegoe
- nr. 1 (uno) capusso bianco
- nr. 1 (uno) butiglia de aperol
- nr. 2 (do) coeombe de pasqua ancora da scadar
- nr. 3 (tre) kii de poenta zà fata da scotar
- nr. 1 (uno) butiglia de cocacola
- nr. 1 (uno) butiglia de fanta

Comunichemo sempre a lor signori che ogi el Balsa provedarà al'acquisto de:
- nr. 1 (uno) kii de insaeatina fresca
- nr. 4 (quatro) ciope de pan

...e che qualcuni altri gà zà proveduo par
- nr. 10 (diese) butiglie de vin bon
- nr. 1 (uno) kii de fasioi coa zegoea

Comunichemo che durante a matinata verà fato l'importante cerimonia de apertura del compleano tramite l'acension dei foghi pae bronze col Cannello Reale.

Se ritegnè che a roba zè poca portè pur.
Se gavè roba che a scade casa e no savè come e quando magniarla portè pur.
Se no savè come brusar certa roba de casa parchè al CERD no i la vol portè pur.

Ve ricordo par l'ultima volta (visto che zè sempre qualcun che no leze mai i mesagi, che no scolta mai e discusion... vero Ile?) che:
DOMAN, Primo magio 2009 dae ore 10.00, par chi che vol dar na man a pareciar, in poi se se trova casa del Beltra. Chi che vien vien chi che no vien no vien ma visto che
gavemo zà fato i conti paga istesso i schei.
Semo in 12 (dodese) adulti + 1 (uno) bambino/a.

Co sempre imutata stima

P.S.1: prego el Balsa e el Beltra de zontar a roba che manca che magari me son desmentegà de scriva o de precisar.
P.S.2: sta roba a meto anca su "faccia da libro" e via mail cusì speremo che a Ile lo leza! HA HA HA HA HA HA

AH HE JI ME