Schieson Trevisann al MotoGP

Cari amici, vissini e lontani o in ferie
ve scrivo de na roba simpatica no de robe serie
ma me ispiro al Dondi gran motociclista
parchè questa a zè na roba sucessa coa moto in pista
un pampe, Bautista, un pilota dee do-e-zinquanta
el gavea finio a corsa fin aea fine tuta quanta
e par merito o fortuna sua o de che altri
el zè rivà terso, insoma tra i scaltri
el fà el giro de onor e come tuti i sboroni
l'impena a moto par farghea vedar ai cojoni
e invesse de far na roba fata ben
el gà impenà massa e el zè 'nda a finir sul fen
a moto ghe se gà rabaltà na diesina de volte
e de pache su l'asfalto ghe na ciapà molte
ghe zè tocà par fin domandar un pasajo
e ieri sera farse far un bel massajo
parchè se vardè sul filmato
impena impena el se rivà un fià imbarasato
ai box coi mecanici che ghe disea "n'importa"
ma anca "te ssì un mona" pena serà a porta.
A morae de tuta sta storia zè
'ste coi pie partera AH HE JI ME