Schieson Trevisann casa del Pokotho

A serata a zè stada bea
tranquiea e chieta come na putea
come quea del CP che "sio" a me ciamava
e co a bamboeta col ciucio a ziogava.
Parlemo del magniar,devo dir na roba quà
mi e a madama gavemo come el soito esagerà
massa roba da magniar e da bevar
no contando queo che vjaltri dovessi portar
'ssacoeo, torte saeae, patatine
pasta pomodoro e panseta tajada a strichetine.
Sul secondo verzo na parentesi necesaria
el zè stà el me primo M.G. in soitaria
de soito jero sempre in seconda al Balsa
ma, preciso, a me esperiensa no a zè falsa
zè che jero emosionà al pensiero de cusinar
e no savevo da che parte scuminziar
me son caricà co un AH HE JI ME
e son 'ndato a farme un bidè
son tornà carico e deciso
e col cortel a carne gò reciso
gò tajà a zegoea a carota e el saeno
butà sul fogo co ojo in un batibaleno
piova de cabernet franc a maneta
butà co a butiglia e no co na proveta
co el sofrito el jera beo che moeacion
gò butà a carne e un meso butiglion
pevaroni e olive nere marteanti
par far contento el paeato de tuti quanti.
Aea fine a mi, modestamente, el me piasea
e no gò visto zente che se lamentea.
Dopo zè rivà el dolze fato daea santussa
ragassi che bon, profumà sensa un fià de spussa
na bota de vita co ciocoeata, pana e mascarpon
na gioia incredibie ad ogni bocon
ghe jera a scrita AAMG de ciocoeata
par far dea torta na roba pregiata.
Dopo a macedonia del cp un fià scarseta
ghe ne gò messo anca in te a borseta
parchè a jera tanta e tanta
fresca e bona tuta quanta.
Dopo el Pampero offerto daea Santussa
te te o bevi e de note, tranquieo che te russa
miscià co maestria come un saggio
col suco de pera perfeto dosaggio
alcol vario de tante marche
da far star a gaea anca e barche
e aea fine col Dondi e a Santona
col Wii gavemo fato na gara sborona
ziogando a pinpon come mati
sensa baeta e rachete equipagiati
ma vardando a teevision sganassando
AH HE JI ME a tuti, pensandove brindando

P.S. per Balsa: varda el filmato che ghe zè qua soto partendo da 1'50''