Schieson Trevisann al Old Uail Uest

Na festa tra amici
tuti afamati e felici
se gà trovà ieri sera a silea
chi stava ben, chi gavea a diarea
se gavemo magnà poeastri e panini
caraffe de bionda e no birrini
uno gà avuo na idea malsana
de ciorse e fajitas co a meansana
e zè restà co na fame da crepar
zè 'ndà casa a, i wurstel sua piastra, cusinar.
A proposito de a casa, poro Balsa
ghe toca eavar, stirar ma no farse a salsa
ma soeo gran pignate de minestron
misciar tanta acqua col mestoeon
parchè puareto no zè pì gnianca paron
de a casa, ma col mutuo sempre sul gropon
el cambia e tende ma no'l verze pì a porta
el taca el specio e l'imagine zè tuta storta
el se mete el majoneto che ghe sta ben
e ghe toca cambiarse par el so vivar seren:
tuto par a paramugliera ormai parona de tuto
che se gà imposesà dee proprietà de bruto
a ghe gà dato dee regoe precise da rispetar
senò daea slava ghe toca aea note riposar
pensar che no'l gà dirito de verzar a boca
ghe toca sbassar el sguardo e a vose roca
aea fine de tute e discussion
el zè jù ch'el riscia de 'ndar fora dal porton
a gà ea in man e ciavi de casa
e e idee del balsa a le mete subito in soasa
questo no, questo no, quealtro gnianca
i sogni del balsa serai dentro in te a panca.
Cambiando discorso e tornado al magniar
gavemo ricevuo tuti na tessera da far timbrar
se pol ciapar un capel da cowboy o na majeta
un corso de inglese co na ROSA/E perfeta
se sfondaremo de sicuro el stomego vanti aea fine
par aver un capel elegante fato tuto de crine
cavai e vache come a pee par tera dal Dondi
parecieve el stomego beo neto fin sui fondi.