Schieson Trevisann e le novità 2011

L'anno novo porta nova sagessa
aea Santona e aea sacerdotessa
che stimoea inisiative par i amici del'academia
che in 'sti momenti se loda e se premia:
Gaven stabiio de organisar a sena in baita
col paron che serve, cusina e sbraita
'nden su col gato dee nevi
e zò coe slite su percorsi longhi o brevi
magnien e beven come soeo njaltri savemo
e el porzel in tute e so forme adoremo.
Gaven stabiio de 'ndar anca al'insonnia
che ogni compagnia tuto e noti sognia (lic. poetica)
che co pastin e capusso a voeontà
ne portarà bevute e sasietà.
Gaven getà e basi par 'ndar a lanciano
speren che no sie n'altra ciapada par l'ano
ma a volta bona che 'nden in terra sconossua
e anca eà, de magniar, na bea passua.
Novo vigor pal Gran Consiglio
inissiative importanti sensa sbadiglio
portemo in alto del'academia l'onor
gustando del sommo maiale anca l'odor.
Grande Maiale, de ti no ghe n'aven mai troppo
e come sempre, I love Ciccocioppo.