Schieson Trevisann - Pochi, sie, ma boni

Un evento fato ben come che se deve
intanto che magniaimo vegnea zò a neve
se jera in pochi ma l'atmosfera sempre bea
ghe jera parfin el CP ma sensa a cea
co a Nico, mi e a me mugliera
el Balsa e Sara fin a tarda sera.
Dondi e Beltra gavea impegni improvisi
e njaltri a far, a cativo ziogo, bei visi
i gavemo portai sempre nei nostri pensieri
magnando na aeta o svodando i bicieri
Gavemo parlà de bueae ma anca de robe serie
in pie sui fornei o sentai su sedie
gavemo parlà fin quasi al'una
evitando de ripetarse sul tema "Duna".
El menù jera vasto e ben fornio
panseta e spianata bona da Dio
dixie (de sotomarca) e stichi aspirai
spriss e vin praticamente evaporai
patate frite come contorno
e na riceta dea Sacerdotessa tuta intorno
no me ricordo el nome forse "meneeeete"
ma bon che par magniarlo te te tiri su e maneghete
co a farina de poenta, verze e altro
da scoresar tuto el giorno, Zio scaltro!
Bira a fiumi, bianco e alcoici vari
che te ne sentii el fià imbriago fin a Bari.
Comunque gavemo parlà ben del 'ndar all'estero
sua diretrice Lanciano-Capracotta rivando pal vespero
se 'fitemo un Vito 9 posti tramite a convension
che el Balsa procurarà con tanta atension
Rivemo a Lanciano e fazemo na bea zena
dormimo de sicuro sensa farse in vena
el giorno dopo Capracotta, ghe metemo un'oretta
passemo a vedar el miracoeo in fiea perfetta
dopo in piassa a lanciano a cantar viva a Sacerdotessa
e dopo a magniar verdure cote e carne lessa
aea domenega pomerigio ripariremo par casa
e n'altro beo ricordo metaremo in soasa
Ridaremo come mati e faremo i sboroni
AH HE JI ME, pronti a Lanciano, che riva i poentoni