Schieson Trevisann aea grigliata del CP

Zè rivà l'agognà evento
disturbà da un legero vento
che gà disturbà soeo el pranso
ma gà alietà, del alcol, el vanso:
parlemo, ovio, dea grigliata del CP
par pareciarla sie mesi, no un soeo dì
ma aea fine zè vegnuo fora na bea roba
che jero emosionà zà da prima de zioba.
tuti presenti, parfin Ile e Calogero
Laura e Dondi, ma sensa so suocero
Anna e Beltra, Balsa e Signora
Pokotho e mugliera alsai de bon'ora.
I paroni de casa impegnai a tempo pien
parchè l'evento vegnesse fora ben
e cusì zè stà, tuto perfeto e preciso
tuti zè 'ndai via col soriso in viso
sarà stato par colpa anca del vin
ingurgità pì veoce de dir "cin cin"
spriss prima, sangria dopo
jera imbriago l'orso e el topo
vin d'annata, prosecco locale
vapori de alcol par tuto el locale
adibio da taverna a mensa totale
par njaltri devoti del maiale globale.
Salsicie e poeastro, verdure grigliae
un fià de costesine nere e brusae
ma bon tuto quanto par fin el desser'
grasie Santona, te ssì mejo de un pasticer.
No me permeto na cronaca sincera e puntuae
parchè ieri girava in tondo, dei oci, e bae
me limito a dir che no gò magnà gniente ieri sera
a parte un tocheto de pomo e de pera
sperando che el squaraus no el me ciapasse
e sul water, l'intestin, me se sconquassasse.
Tuto ben fin 'desso gniente de anormae
vardemo al futuro strofinandose e bae:
parlemo dea sagra del speck tiroese
sabo e domenega, alegri co poche spese
parlemo dea gita in quel de lanciano
3 giorni, 2 noti stando atenti all'ano
parchè jori gà pregiudissi dei poentoni
anca se, rispeto ai mianesi, semo pì boni
parlemo del Gran Consiglio/compleanno
questo, ragassi, zè el nostro terso anno
eora de carne al fogo ghe ne zè tanta
no stemo farla brusar, par njaltri a zè santa
definimo presto un piano de asion
stiemo un caendario co precision
no stemo a gratarse, via coa prossima serata
AH HE JI ME, viva el Cp e a so grigliata

P.S. 'profito par dar na indicassion de massima sui eventi da organisar:
- evento "Lanciano coi polentoni, Lanciano da fetentoni"
- evento "Speck Tirolese, Weekend con poche spese"
- evento "3° compleanno Alta Accademia". Qua verzo na picoea parentesi ricordando che a Santona a gà un "lavoreto" da seguir verso fine mese e dopo ghe zè zente in ferie (uno a caso... el Balsa). Quindi se voemo farlo bisogna farlo prima del 23 de magio o pì vanti da definir.