Schieson Trevisann aea maratona de Padova

A padovana manifestasion podistica
tegnua nel giorno dea giornada mistica
che ricorda el santo pì beo del mondo
festa de San Marco a tuto tondo
a gà paesà na roba preocupante
no pal Balsa, ma per el Beltra fante:
vinti minuti de staco dal compagno fedele
segno de un destino contrario e crudele.
Cossa sarà sucesso in te chei 40 kiometri e roti
da portar el nostro amico coi ossi tuti roti?
Son drio investigar de pien
e pena che sò calcossa veo scrivo par ben
Par intanto un aplauso al Gran Signore
el Balsa che zè stà soto e 4 ore
par un secondo, par carità, no le gà sforae
ma zè un risultato degno dee migliori giornae
in te na giornada calda come poche
par tegner al'ombra cani, porsei e oche.
Ghe jera de sicuro Anna e Sara all'arivo
ch'el compagno ghe gà dito "speteme che rivo"
e eore pronte dae undese a vardar che i rive
magniando tramesini tonno, pomodori e olive.
Nel fratempo shopping a maneta
borse, verdure e formajo feta
pagando coa carta de credito del podista bancario
svodandoghe el conto controeando sempre l'orario
e dopo "scondi e borse che i zè rivai"
e jori, stufi, e le basa pensando de essar fortunai
de aver trovà do femmene tanto devote e pie
che i le speta sempre par ore e ore in pie
dopo riva el luni e i controea l'hom banchin
e i se incassa peso dei lotatori de wrestlin.
Ma cossa voeo Balsa e Beltra e femene zè queste
zè sempre mejo eore de na infesione de peste
e vardè mi quanto fortunà che son
co a me mugliera me sinto fortunà e tanto bon
na femmena cussì me a ligo streta aea vita
e ogni giorno co ea zè come na bea gita
Viva e femmene viva l'amore
Viva el Beltra e el Gran signore.

AH HE JI ME